राष्ट्रीय

पाकिस्तान हल्ल्याचा भारत कडून बदला, LoC पार करुन 3 सैनिकांना ठार .

पाकिस्तानी हल्ल्यात शनिवारी शहीद झालेल्या चार जवानांवरील हल्ल्याचा बदला भारतीय सैनिकांनी घेतला आहे. पाकिस्तानचे तीन सैनिक ठार मारण्यात आलेय.

-loc-indianarmy

पाकिस्तानी हल्ल्यात शनिवारी शहीद झालेल्या चार जवानांवरील हल्ल्याचा बदला भारतीय सैनिकांनी घेतला आहे. भारतीय जवानांनी अवघ्या ४८ तासांतच कारवाई करत पुंछमधील रावळकोटच्या रूख चकरी सेक्टरमध्ये पेट्रोलिंग करणाऱ्या तीन पाकिस्तानी सैनिकांना ठार केले आहे. या हल्ल्यात पाकचे पाच सैनिक जखमी झाले आहेत. विशेष म्हणजे एलओसी पार करून पाकिस्तानी सैनिकांना कंठस्नान घालण्यात आलं आहे. सर्जिकल स्ट्राईकनंतरची भारताने केलेली ही पहिलीच क्रॉस-बॉर्डर रेड होती, असं गुप्तचर यंत्रणेच्या सूत्रांनी सांगितलं.

सोमवारी सायंकाळी ६ वाजता पुंछ येथे सीमेपार पाकिस्तानकडून संदिग्ध हालचाली सुरू असल्याचं भारतीय जवानांच्या लक्षात आलं. हे सैनिक पेट्रोलिंग करत असल्याचंही निदर्शनास आल्यानंतर भारतीय जवानांनी सीमेपार जाऊन पाक सैनिकांवर हल्ला चढवला. जवानांच्या या हल्ल्यात पाकिस्तानच्या बलूच रेजिमेंटचे तीन सैनिक ठार झाले आहेत, तर पाच जवान जखमी झाले आहेत.

पाक सैनिकांकडून शस्त्रसंधीचं उल्लंघन करण्यात आल्यामुळेच हा हल्ला करावा लागल्याचं भारतीय लष्कराच्या सूत्रांनी सांगितलं. पाकिस्ताननेही त्यांचे तीन जवान ठार झाल्याचं मान्य केलं असून या हल्ल्यात एकच जवान जखमी झाल्याचा दावा केला आहे. मात्र भारतानेच शस्त्रसंधीचं उल्लंघन केल्याचा आरोपही पाकने केला आहे.

शनिवारी पाकिस्तानने शस्त्रसंधीचं उल्लंघन करत भारतीय जवानांवर गोळीबार केला होता. २३ डिसेंबर रोजी केरी सेक्टरमध्ये पाकिस्तानने भारताच्या पेट्रोलिंग पथकावर भ्याड हल्ला केला होता. यात महाराष्ट्राचे सुपुत्र मेजर प्रफुल्ल मोहरकर, लान्स नायक गुरमेल सिंह, लान्स नायक कुलदीप सिंह आणि शिपाई परगट सिंह शहीद झाले होते. त्यामुळे भारतीय जवानांनी सोमवारी पाकच्या तीन सैनिकांना ठार .

 

तुमची प्रतिक्रिया नोंदवा
टॅग्ज
अजून दाखवा

संबंधित लेख

Close
%d bloggers like this: